Главная

Выстава з такой назвай адкрылася ў нашай навучальнай установе. Папярэднічаў ёй конкурс творчых работ навучэнцаў, праведзены з нагоды юбілейных і знамянальных падзей у культуры і літаратуры ў лютым і сакавіку месяцах. Гэта і Міжнародны дзень роднай мовы, Сусветныя дні пісьменніка і паэзіі, юбілеі Івана Мележа і Кандрата Крапівы. Ілюстрацыі да твораў беларускай літаратуры і партрэты мастакоў слова, вышыўка і вырабы з драўніны, макеты і інсталяцыі – усё гэта і не толькі прадстаўлена на выставе. Асаблівую цікавасць вызвалі “Вечны каляндар”, макет, інсталяцыя “Пісьменніцкі стол” і кампазіцыя “Літаратурны чамадан”.

Жадаем усім добрага прагляду і натхнення прымаць удзел у нашых конкурсах і выставах!

Ужо традыцыяй для нашай навучальнай установы стала правядзенне Дзён роднай мовы. З нагоды Міжнароднага дня роднай мовы і Сусветнага дня пісьменніка і ў гэтым годзе быў праведзены шэраг марапрыемтсваў па папулярызацыі беларускай мовы і літаратуры: выстава “Да Міжнароднага дня роднай мовы”, квэст “Белведы” для каманд навучэнцаў 1-ых курсаў і інтэрактыўны перапынак “Заручыся з мовай!”. Навучэнцы з цікавасцю выканалі разнастайныя заданні на веданне арфаграфіі і лексікі, беларускай нацыянальнай кухні і старажытнага побыту беларусаў, збіралі пазлы і ўзоры арнаменту, глядзелі мультфільмы і буктрэйлеры да кніг беларускіх мастакоў слова.