Магілёўскі абласны драматычны тэатр у чарговы раз запрасіў на "Урокі эстэтыкі".
22 красавіка пры падтрымцы студэнцкага прафкама навучэнцы Архітэктурна-будаўнічага каледжа ў складзе Беларуска-Расійскага ўніверсітэта наведалі спектакль "Трыбунал" паводле аднайменнай п'есы Андрэя Макаёнка.
Рэжысёр-пастаноўшчык Каміля Хусаінава прыўнесла ў вядомы твор сваё бачанне і почырк. Гэта гісторыя сям'і, трываласць якой правяраецца цяжарам вайны. Грубы народны гумар, напружаныя драматычныя моманты, інсцэніроўкі-хронікі вайны нікога не пакінулі абыякавымі.
Выкладчык беларускай мовы і літаратуры Шабліцкая Наталля Васільеўна
