З нагоды 130-годдзя з дня нараджэння таленавітага беларускага пісьменніка Максіма Багдановіча ў архітэктурна-будаўнічым каледжы арганізавана выстава творчых работ навучэнцаў “І жыве твой радок, і жыве тваё слова”. Работы прадстаўлены ў розных тэхніках: малюнкі і партрэты, рэпрадукцыі і выцінанкі, сценгазеты і калажы, вышыўка і вырабы дэкаратыўна-прыкладнога мастацтва. Кожная работа мае сваю арыгінальную назву, а да некаторых падабрана чатырохрадкоўе з вершаў юбіляра. Звяртае на сябе ўвагу экспазіцыя “Мудрыя думкі на кожны дзень”, дзе своеасабліва аформленыя афарызмы з твораў Максіма Багдановіча дэманструюць нам, як сказанае ім амаль 100 галоў назад і зараз гучыць пранікнёна і актуальна.
Выкладчык беларускай мовы і літаратуры Шабліцкая Н.В.
