Васіль Быкаў : вядомы і невядомы : літаратуразнаўчае эсэ, успаміны / уклад. М. Н. Мінзер. - Мінск : Літаратура і мастацтва, 2011. - 175 с. : іл.

У зборніку выяўляюцца генетычныя карані прозы В. Быкава, яго няпросты жыццёвы лёс. Першая частка выдання - літаратуразнаўчае эсэ Валянціны Локун, у якім творчасць беларускага пісьменніка даследуецца ў шырокім еўрапейскім кантэксце, у параўнанні і супастаўленні з літаратурай «згубленага пакапення» - Э. Хэмінгуэем, Э. М. Рэмаркам, Р. Олдзінгтонам, У. Фолкнерам і інш. У другую частку ўвайшлі ўспаміны пісьменніка, генерал-маёра авіяцыі ў адстаўцы Анатоля Сульянава пра шматгадовае сяброўства з Васілём Быкавым. Кніга разлічана на спецыялістаў у навуковай, педагагічнай і культуралагічнай сферы, студэнтаў, настаўнікаў гімназій, каледжаў, школ і шырокае кола аматараў творчасці Васіля Быкава.

Зборнік твораў 1920 - сярэдзіны 1960-х гг. : проза, паэзія. - 2-е выд. - Мінск : Беларусь, 2012. - 400 с. - (Школьная бібліятэка).

У кнігу ўвайшлі творы пісьменнікаў 1920 - сярэдзіны 1960-х гг., уключаныя ў праграму па беларускай літаратуры для ўстаноў агульнай сярэдняй адукацыі. Рэкамендуецца вучням 10 — 11-х класаў.